VNSO Histri mo Bakgraon

Condominium Bureau of Statistics hemi statem wok long 1974 long taem blong tufala gavman blong Britis mo Franis.

Mr Bernie C. Hanslow (blong England) hemi fes Condominium Statistician long taem ia mo hemi lidim 9 staff. Olgeta statistiks we oli produsum oli lo side blong tred, maegresen, shiping, ol praes, moto vehikel registresen, mo bisnis lisens. Mo tu oli bin wok long sevei mo senses tu.

Statistiks hemi karem pawa blong collectem olgeta data mo infomesen tru long tufala legislasen ia;

   1. STATISTIKS ACT CAP83

   2. CENSUS ACT CAP71

STATISTIKS ACT hemi mekem I klia se everi infomesen weh statiskis ofis hemi karem long public mo long olgeta haoshol hemi KONFIDENTIAL (sikret). Hemia I minim se, bai VNSO I no save telemaot o soem infomesen blong yu long narafala man, fren or famili member. Spos hemi soemaot infomesen blong yu, hemi brekem loa.

 

Seves Blong Statistiks Ofis

Samfala sevis we statistiks ofis i stap provaedem hemi :

   1. Asistem Gavman mo NGO long sevei wok:

  • Kwestenea Disaen
  • Sampol disaen
  • Fil Wok
  • Klinim Data
  • Analaesem Data mo Raetem Ripot

   2. Besik Data Analysis trening

   3. Databes disaen

   4. Senses; Populesen moAgrikalja

 

Hao?...

Fasen blong kolectem statistiks

Statistiks ofis hemi collectem data tru long:

   1. Nasonal senses; Hemi wan time we ofis blo statistiks hemi kaontem ful populesen blong Vanuatu. Hemia I stap tekem plese everi 10 yias.

    2. Sevei; Long wan sevei, I gat sam haoshol nomo we oli selektem blong oli reprisentem ful populesen.

    3. Administrative data; Informesen we ol otoriti oli tekem tru long ol forms mo registrations blong olgeta.

 

Wanem?...

“Ofisal statistiks”

Ofisal Statistiks hemi ol statistiks we oli publis tru lo ol Gavman agencies mo ol nara publik bodies olsem ol internasonal organizasen oli kam recognize olsem ol publik guds.

 Ol data provida oli producum quantitativ o qualitativ informasen lo bigfala area lo lives blo ol pipol blo wan countri olsem economik mo social developmen, condisen blo living,health,educasen mo enviromen.

Ofis blong statistiks (VNSO) hemi kolektem olgeta infomesen ia, compaelem mo analaesem after hemi pablisim infomesen ia. Taem infomesen hemi pablis hemi kam ofisal mo yumi save talem se hem i olsem public infomesen mo ofisal statistiks.

 

Wok blong Statistiks Ofis

Stampa blong wok blong statistiks ofis hemi blong kolektem data or infomesen mo mekem i available long pablik. Blong infomesen ia hemi available bae i mas gat samfala proses blong mekem se infomesen ia hemi gat kwaliti.

Olgeta proses ia hemi includum:

  • Klinim Data
  • Kompaelem Data
  • Analaesem Data mo Raetem Ripot
  • Rilisim mo Serem Ripot

 

Wanem....

Yus Blong Statistiks?

Infomesen we statistiks ofis hemi produsum i gat fulap yus blong gavman, NGO mo olgeta we oli yusum statistiks long risej.

    1. Gavman: Olgeta infomesen we statistiks ofis hemi produsum hemi blong infomem gavman polisi. Gavman hemi usum infomesen ia blo mekem olgeta gudfala disisen mo planning we bae hemi helpem ol man Vanuatu.

   2. NGO: I gat olgeta non-gavman organisesen tu we oli nidim infomesen blong mekem ol wok blong olgeta. Afta long wan natural disasta olsem saeklon, olgeta NGO mo divelopmen patna oli yusum infomesen blong yumi blong helpem ol komuniti i rikava.

  3. Studen mo Risej: I gat fulap studen mo olgeta riseja we oli stap yusum olgeta statstik blong sapotem stadi blong olgeta long fulap difren topik we oli gat intres long hem.

 

Blong karem moa infomesen, yu saveh kontaktem ofis lo telefon namba (+678) 33040 o sendem wan imeil (email) e kam lo This email address is being protected from spambots. You need JavaScript enabled to view it.

Thank yu tumas